Suliffeqarfiit silaannarsuarmik kissatsitsisartunik mingutsitsinerat
2015-imi angerlarsimaffiit nukimmik atuinerannit silaannarsuarmik kissatsitsisartumik mingutsitsinerat mingutsitsinerup tamarmiusup 19 pct.-eraa. Suliffeqarfiit mingutsitsinerat mingutsitsinerup tamarmiusup 81 pct.-erivaat, takuuk titartagaq 3.1.
Titartagaq 3.1. 2015-imi silaannarsuarmik kissatsitsisartunik inuussutissarsiorfiit aamma angerlarsimaffiit mingutsitsinerat
Najoqqutaq: Naatsorsueqqissaartarfik
Nunalerineq, aalisarneq il.il. silaannarmik kissatsitsisartumik mingutserineq mingutserinerup tamarmiusup 24 pct.-eraa. Tassani mingutserineq aalisariutinit annerpaamik pisuuvoq.
2015-imi nukinnik nuussinerit mingutsitsinerup tamarmiusup 20 pct.-ianik mingutsitsisimavoq. Nukimmik nuussuineq innaallagiamik avataaniillu kissamik pilersuineruvoq.
Assartuineq angallassinerlu mingutsitsinerup tamarmiusup 22 pct.-ianik mingutsitsisimavoq. Inuussutissarsiutit aqqutigalugit aamma angerlarsimaffinnit silaannakkut angallanneq, umiarsuit angallannerat aqqusinikkullu angallanneq silaannarsuarmik mingutsitsisuupput.